मुग्लिन-नारायणघाट सडक खण्ड बन्द, यात्रुले गाडिमै रात विताउनुपर्ने बाध्यता ।

काठमाण्डाै – लगातारको झरीका कारण पहिरो जाँदा मुग्लिन-नारायणघाट सडक खण्ड बन्द भएको छ । गएराति ८ बजे सेती दोभानमा ठूलो पहिरो खसेकाले दुुईतर्फी बाटो नै बन्द भएको प्रहरीले जनाएको छ । प्रहरीका अनुसार  पहिरो पन्छाउन समय लाग्ने छ ।

लगातार झरी परिरहेको र पहिरो खस्ने क्रम पनि नरोकिएकाले एक्स्काभेटर प्रयोग गर्न समेत समस्या भएको छ ।  केहीबेर पछि पहिरो पन्छाउने काम सुरु हुने प्रहरीले जनाएको छ । सडक बन्द भए पछि यात्रुुले गाडीमै रात बिताएका छन् । अहिले यो सडक खण्डमा गाडीको लामो लाइन छ ।

मुग्लिन-नारायणघाट सडक खण्डको ठाउँ-ठाउँमा पहिरोको जोखिम रहेकाले जोखिम मोलेरै यात्रा गर्नु पर्ने बाध्यता छ । पहिरो रोक्ने  प्रयास भए पनि त्यो सफल हुन सकेको छैन। यो सडक खण्डमा बर्खामा मात्रै नभएर हिउँदमा समेत पहिरो जाने गरेको छ ।

Leave a Reply

Your email address will not be published. Required fields are marked *

Previous post कमेडी च्याम्पियनका खबपु दु’र्घट’नामा परि घा’इते : यस्तो छ अवस्था ।
Next post दुबै मृगौला फेल भएकी श्रीमतिको नाममा पैशा उठाइ अर्को बिहे गरि श्रीमान फरार – श्रीमतीको बिचल्ली !